Changan “Samarkand Marathon 2024” ning rasmiy hamkoriga aylandi

O‘zbekistonda Changan avtomobil brendining rasmiy distribyutori Changan Auto Distribution kompaniyasi 2024-yil 2- va 3-noyabr kunlari Samarqandning markaziy ko‘chalarida bo‘lib o‘tgan oltinchi xalqaro xayriya yugurish poygasi rasmiy hamkoriga aylandi. Tadbirda 5 555 nafar ishtirokchilar, shu jumladan dunyoning 43 ta mamlakatlaridan 628 nafar yuguruvchilar ishtirok etdi.

Yugurish poygasi, uning ishtirokchilariga qadimiy shaharning asosiy tarixiy yodgorliklarini ko‘rish imkonini beruvchi Registon maydonida boshlandi va yakunlandi. Ushbu tadbir nafaqat sport bayramiga aylandi, balki madaniyat va san’atda inklyuzivlikning muhimligini ham eslatib o‘tdi.

2019-yilda tashkil etilgan Samarkand Marathon’ning maqsadi sport sohasidan tashqariga chiqadi. Yugurish musobaqasi madaniyat va san’atdagi inklyuzivlik masalalariga e’tiborni jalb qilib, barcha uchun qulay muhitni yaratishga ilhomlantiradi. Sog‘lom turmush tarzini targ‘ib qilish va sport turizmini rivojlantirish ham marafonning muhim yo‘nalishlari sifatida bo‘lib qolmoqda.

Changan Auto Distribution bunday tashabbuslarni qo‘llab-quvvatlash orqali insonlarni birlashtiradigan va olamni ijobiy tomonlarga o‘zgartiradigan g‘oyalarga sodiqligini ta’kidlaydi. Hatto katta bo‘lmagan qadamlar ham sezilarli o‘zgarishlarga olib kelishi mumkin. Mazkur marafon yildan yilga ko‘plab insonlarni ruhlantirmoqda va biz uni yangi yutuq va muvaffaqiyatlar kutayotganiga ishonchimiz komil.