Changan Parisien turar joy majmuasida: yopiq test-drayv qanday o‘tdi?

31-oktabr kuni Changan Uzbekistan Parisien turar joy majmuasi aholisi uchun yopiq test-drayv o‘tkazdi. Shu kuni biz avtomobillarimizni aholining uyigacha olib borib, mehmonlarni Changan bilan yaqindan tanishtirdik va ularga yoqimli taassurotlar ulashdik.

Soat 11:00 dan 17:00 gacha majmua avtoturargohida aholi Changan CS55 Plus FL va UNI-V FL modellarini shaxsan haydab ko‘rish imkoniyatiga ega bo‘ldi. Ishtirokchilar avtomobillarning qulayligi, boshqaruvi va imkoniyatlarini sinab ko‘rishdi, shuningdek, o‘zlarini qiziqtirgan savollarga javob olishdi.

Tadbirning eng katta afzalligi uning qulay formatida bo‘ldi. Aholiga test-drayv uchun dilerlik markaziga borish yoki yo‘lga alohida vaqt ajratish shart emas edi. Avtomobillar bilan tanishish va ularni haydab ko‘rish uchun uydan chiqishning o‘zi kifoya qildi.

Ishtirokchilar uchun sovg‘alar ham tayyorladik! Mehmonlar Changan va hamkorimiz Grass tomonidan sovg‘alar olishdi. CS55 Plus FL xarid qilishni rejalashtirayotganlar uchun esa maxsus taklif taqdim etildi.

Test-drayv ishtirokchilariga 2026-yil 31-dekabrgacha Changan CS55 Plus FL xarid qilganda 5 marta to‘liq bak benzin sovg‘a olish huquqini beruvchi sertifikatlar topshirildi.

Bu kun nafaqat avtomobillar bilan tanishish, balki vaqtni mazmunli o‘tkazish, yangi taassurotlar olish va Changan brendini yaqindan bilish uchun ham ajoyib imkoniyat bo‘ldi.

Tadbirda qatnashgan barcha Parisien aholisiga qiziqish va ishtirok uchun minnatdorchilik bildiramiz!

Kelgusida ham Changan bilan tanishishni yanada qulay va oson qilish uchun shunday tadbirlarni davom ettiramiz.